Na Praza de España celebrouse ás 19:00h unha concentración integrada nunha acción simultánea en 25 localidades galegas e na que participaron sindicatos de ensino, profesorado, alumnado e familias. Durante a mobilización leuse un manifesto e distribuíuse un folleto baixo o lema “Polo ensino público: recuperar, reivindicar, recoñecer“, no que se denunciou o progresivo deterioro do ensino público.

A comunidade educativa reclamou medidas urxentes como a redución de ratios, o incremento de profesorado especialista, a recuperación do horario lectivo, a diminución da burocracia e unha maior atención da administración ás necesidades reais dos centros.

Participantes na mobilización como a CIG Ensino destacan que, “sen recursos nin cambios reais, o futuro do alumnado está en risco”, e fixeron un chamamento a unha defensa firme do ensino público.

CIG concentración ensino Monforte / CIG Ensino