Para o financiamento destas subvencións, dende o Concello destínase un crédito máximo de 35.000 euros despois de que o concello incrementara 5.000 euros máis respecto do ano anterior, “co obxectivo de apoiar ás familias con menor renda per cápita do municipio de Monforte, que presentan maiores dificultades económicas para afrontar este gasto ao comezo do curso escolar”, destaca o alcalde, José Tomé.
Para ser beneficiario/a desta axuda é preciso cumprir os seguintes requisitos na data de finalización do prazo de presentación das solicitudes:
1. Ser pai, nai, titor/a ou persoa encargada da garda e custodia do alumno/a que no ano escolar da convocatoria correspondente vaian a cursar estudos nas etapas educativas de ensinanza indicadas nesta convocatoria, en calquera centro docente, público ou concertado, do Concello de Monforte de Lemos.
2. Que a renda per cápita da unidade familiar non supere o 70% IPREM mensual para o ano 2026 (420 €/mes) en cómputo anual 12 pagas (5.040€ ano por persoa). Para determinar a renda per cápita tomarase a renda da unidade familiar e dividirase polo número de membros da dita unidade como a continuación se especifica:
| Nº membros unidade familiar | Ingresos netos mensuais | Ingresos anuais |
| 2 | 840 | 10.080 |
| 3 | 1.260 | 15.120 |
| 4 | 1.680 | 20.160 |
| 5 | 2.100 | 25.200 |
- Que a persoa solicitante así como os e as menores beneficiarios da mesma, se atopen empadroados e residan efectivamente no Concello de Monforte de Lemos no momento de presentación da solicitude.
- Que a persoa solicitante estea ó día no pago das obrigas tributarias municipais.
- Non estar incurso nas prohibicións para obter a condición de beneficiario, recollidas no artigo 10 da Lei 9/2007, do 13 de xuño de subvencións de Galicia e no artigo 13 da Lei 38/2003, de 17 de novembro, Xeral de Subvencións.
A contía máxima das axudas é a seguinte:
- 75€ para Educación Infantil por cada alumno/a.
- 100€ para Educación Primaria por cada alumno/a.
- 120€ para Educación Secundaria Obrigatoria por alumno/a.
- 150€ para alumnado matriculado nun centro de educación especial ou que reciban medidas de apoio á diversidade desde os centros educativos ordinarios ou cunha discapacidade superior ou igual ó 65%.
A solicitude formalizarase no formulario normalizado que figura como anexo I nas bases e que está dispoñible nas oficinas do Centro de Servizos Sociais Municipais emprazado no Paseo do Malecón s/n. E presentarase no Rexistro dos Servizos Sociais Comunitarios Básicos emprazado na secretaría do Centro Cívico Social, no Paseo do Malecón s/n; no Rexistro Xeral do Concello, no Campo de San Antonio s/n ; ou a través da sede electrónica municipal (www.sede.monfortedelemos.es).
