O Clúster da Pizarra de Galicia volveu premiar a excelencia académica entregando o pasado 11 de xuño os seus Premios aos Mellores Expedientes de Bacharelato das zonas de Quiroga, A Rúa e O Barco de Valdeorras. Segundo os organizadores, “a iniciativa que reflicte a súa aposta pola formación das novas xeracións e pola promoción do talento nas zonas vencelladas á industria da louseira”.
A gañadora no Concello de Quiroga foi Araceli López Gallego, alumna do IES de Quiroga, mentrea que na Rúa levou o premio Cintia Anabel Pérez González, do Colexio Pablo VI.
Na zona do Barco de Valdeorras deuse unha circunstancia curiosa. Dúas alumnas do IES Martaguisela, Eva López García e Nerea López García, acadaron a mellor cualificación deste curso. Ao obter ambas a mesma nota, recibiron un diploma cada unha e repartiron o premio económico.
ENTREGA DE PREMIOS
O xerente do Clúster da Pizarra, Severino González, foi o encargado de facer entrega dos cheques nos tres centros educativos. O premio consiste nun diploma e un cheque de 300 euros para cada estudante.
