O sindicato esixe solucións a unha situación que aseguran vén de moitos anos atrás. esde varios anos atrás, “o Hospital Público de Monforte de Lemos vén arrastrando un problema endémico de inundacións e filtracións de auga de chuvia e coa última tormenta púxose de novo de manifesto.
Aseguran que o temporal afectou de xeito xeito significativo parte do Servizo de Radioloxía, “principalmente as salas de tele mando e a segunda sala de raios X, estando aínda a día de hoxe in operativa e á espera de saber se está afectada parte da maquinaria. Neste Servizo está a verse prexudicada a atención sanitaria de pacientes programados que a primeiras horas da mañá debían esperar noticias para saber se ían ser atendidos”. Tamén se viron afectados o Servizo de Laboratorio na zona de Secretaría e a zona de Paritorio, “ambos sen causar trastornos afortunadamente á atención aos pacientes”.
CSIF leva denunciando en reiteradas ocasións ante a Xunta de Persoal e a Dirección do Centro, “as deficiencias nos tellados do Hospital e nas drenaxes e aliviadoiros das augas pluviais que están a provocar este tipo de situacións con demasiada asiduidade”. Despois das recentes obras de reforma para a evacuación adecuada das augas pluviais, a Dirección do Centro considerou a situación solucionada. “Polo visto este mércores o noso Hospital segue tendo inundacións con exceso de chuvia. Este feito e esixe á Dirección do Centro que dea máxima prioridade a reparar estas deficiencias e que depure responsabilidades, caso de habelas, sobre as empresas que realizaron as recentes reformas”, conclúe o sindicato.
Filtracións chuvia 17 xuño 2026/ CSIF Monforte
