A VII Gala de Ximnasia Rítmica estivo organizada polo Club Rítmica Kendra, en colaboración co Concello de Monforte, e celebrouse no  Pavillón Polideportivo de A Pinguela. Un recinto que estivo ateigado de familiares e amigos das participantes animando con entusiasmo as coreografías preparadas para a ocasión polos rapaces e rapazas con idades de entre 2 e 15 anos.

O encontro contou coa participación de arredor de 150 ximnastas, a maioría monfortinas, pero tamén doutras localidades da comarca de Lemos que seguen ese deporte.