A voceira do Grupo Municipal do PP de Monforte, Katy Varela, lamenta a actitude do deputado autonómico do BNG, Iago Suárez, quen durante a súa intervención na Comisión 2ª de Infraestruturas “nomeou ata en tres ocasións ao PP de Monforte co único obxectivo de intentar responsabilizarnos, de xeito infundado, dunha suposta connivencia na construción da nova ponte no Paseo do Malecón”.
Katy Varela cualifica de “intolerable esta manipulación” e recorda que a postura do PP foi sempre de total rexeitamento a esta infraestrutura. “Consideramos que non é a solución adecuada para resolver o problema do tráfico nin no paseo do Malecón nin na Ponte Medieval”, lembra.
A voceira popular en Monforte tamén rexeita as insinuacións do BNG “que buscan sementar dúbidas sobre a obxectividade dos técnicos que realizaron os informes”. A este respecto, asegura que a Dirección Xeral de Patrimonio Cultural actúa con responde e exclusivamente con criterios técnicos.
Katy Varela recorda que “A responsabilidade de construír esta ponte é única e exclusiva do alcalde de Monforte, esa persoa investigada por presunto acoso sexual é que é o socio necesario do BNG e do PSOE na Deputación de Lugo, polo que calquera dúbida poden preguntarlla directamente a el, co que no BNG teñen fío directo”.
“O que fixo hoxe o BNG foi amosar a súa estratexia de buscar rédito político xunto co PSOE, co único obxectivo de artellar un pacto entre ambos para impedir que o Partido Popular goberne a cidade de Monforte”, conclúen os populares.
