O alcalde manifestou a súa satisfacción pola posta en marcha desta nova iniciativa que, indica, “contribúe ao crecemento do Polígono do Reboredo e demostra o atractivo destas instalacións para a implantación de novos negocios”. De feito, engade, “este taller inaugúrase o mesmo día que desde o Concello puxemos en servizo o novo aparcamento do Polígono Industrial do Reboredo, unha infraestrutura moderna e segura con capacidade para 17 camións e 64 turismos”.

Neste senso, o Alcalde reitera o compromiso coa mellora permanente das infraestruturas do Polígono Industrial do Reboredo, que constitúe un dos principais motores económicos de Monforte e da comarca. “Cada investimento que realizamos neste espazo contribúe a facelo máis atractivo para a implantación de novas empresas, a consolidar as que xa desenvolven aquí a súa actividade e, en definitiva, a favorecer a creación de riqueza e de emprego”, afirmou.