A presentación do décimo tivo lugar este martes no patio do Centro do Viño da Ribeira Sacra, coa asistencia do presidente da Denominación de Orixe Ribeira Sacra, Antonio Lombardia Crespo, e do delegado comercial de Loterías e Apostas do Estado en Lugo, Luis F. López Lorenzana.

O décimo, correspondente ao sorteo deste xoves, está ilustrado cunha imaxe representativa do principal aceno de identidade da Ribeira Sacra: os seus emblemáticos viñedos.

A dedicación dun décimo da Lotería Nacional á Ribeira Sacra constitúe un importante recoñecemento ao valor paisaxístico, cultural, patrimonial e vitivinícola deste territorio, contribuíndo a reforzar a súa proxección turística e o prestixio dunha comarca recoñecida pola súa viticultura heroica e pola calidade dos seus viños.

Como empresa pública, Loterías está firmemente comprometida coa difusión da cultura e as tradicións, en especial naqueles casos nos que estas se converteron en auténticos acenos de identidade que nos definen e nos cohesionan como sociedade ao redor dunha historia e uns valores comúns, como sucede neste caso. Deste xeito, inclúe este décimo do sorteo dos xoves dentro da terceira colección dedicada a diferentes Denominacións de Orixe do noso país, co obxectivo de seguir dando a coñecer a riqueza da cultura vinícola española. Esta iniciativa volve contado coa colaboración do Ministerio de Agricultura, Pesca e Alimentación na campaña ‘Alimentos de España’ que recoñece a excelencia dos produtos alimentarios españois.

O presidente da Denominación de Orixe Ribeira Sacra, Antonio Lombardia Crespo, destacou que “esta iniciativa supón unha magnífica oportunidade para seguir proxectando a imaxe da Ribeira Sacra en todo o país. Que millóns de décimos leven impresa unha imaxe dos nosos viñedos é un recoñecemento ao traballo de xeracións de viticultores que fixeron posible conservar unha paisaxe única e elaborar viños da máxima calidade. É, ademais, unha excelente ocasión para invitar a coñecer un territorio onde natureza e viño forman unha identidade inseparable”.

Para o sorteo de Lotería Nacional do 23 de xullo poñeranse á venda 6 millóns de décimos na rede comercial de Loterías, o que permitirá que a DO Ribeira Sacra sea coñecida en toda España. Este sorteo repartirá 12,6 millóns de euros en premios, entre os que destacan un primeiro premio de 300.000 euros por serie e un segundo premio de 60.000 euros por serie.

Lotería Ribeira Sacra / CRDORS