O tribunal do galardón estivo formado por representantes do Concello de Lalín e representantes da Asociación de Amigos da Cociña Galega, do Clube Gastronómico Rías Altas, da Asociación Gastronómica Xantares, dos portavoces de Eurotoques en Galicia e dos representantes da Asociación Nove Grupo Gastronómico.
O director xeral da empresa galardoa, Juan Luis Méndez sinala “Méndez-Rojo é unha homenaxe a Galicia, ás familias traballadoras, á agricultura e ao amor polo viño, un paso máis para acadar un soño. Queremos agradecer ó xurado que pensara en nós como unha empresa que promociona Galicia e os nosos viños no mundo, xa que esa foi e será a esencia da nosa familia adegueira dende os comezos”.
Méndez-Rojo é o legado dunha tradición familiar que comezou no 1940 e que hoxe conta con viños en todas as denominacións de orixe galegas.
