A Secretaría de Acción Sindical de CCOO Lemos valora positivamente esta sentenza que considera exemplar, “por imputacións falsas por parte de FCC que conlevan a suspensión de emprego e soldo dun traballador durante 30 días”.
Segundo informa o sindicato, tiñan advertido ao xefe de servizo de FCC de que consideraban “fraude de lei, as falsas imputacións, como desobediencia, baixo rendemento e abandono de posto de traballo”.
CCOO advertiu que impugnaría perante o xulgado do Social o que consideraban unha discriminación, “como así quedou acreditada por parte do Señor Xuíz na sentenza ditada fai breves días. Desde a Secretaría de Acción Sindical advertimos á dirección de FCC que non aceptariamos nin discriminación nin represalias que tiveran como obxectivo amedrentar aos nosos afiliados e dar un escarmento ao persoal”.
Segundo o sindicato, contan coa maior afiliación na zona sur e co 100% de representantes do Comité de Empresa “polo que non imos permitir, ningún tipo de vulneracion do convenio e dos dereitos dos traballadores”, conclúen.
