O día 8 de marzo celebrarase a Marcha pola Igualdade, con saída ás 12.30 da explanada da Compañía ata o Concello. O día 11 de marzo de 11.30 a 13.00 no salón de actos do Centro Cívico Social visionarase o conto, “Genoveva González Prieto, unha muller para o 8 de marzo” e entregaranse exemplares ao alumnado de primaria asistente.

O 13 de marzo terá lugar a XII Charla de prevención da saúde na muller: “Mulleres e saúde cardiovascular: Cincentas do corazón?”. A cita será ás 20:00 horas na Casa da Cultura Lois Pereiro, a cargo de Mª Reyes Pérez Fernández, profesora doutora da E.U. de Enfermería de Ourense.

O 14 de marzo presentarase o III Plan de Igualdade de Oportunidades de Monforte de Lemos. Será ás 12.30  no Salón de Plenos do Concello de Monforte. Dentro da programación da Rede Galega de Teatros e Auditorios, o día 14 ás 20.00 representarase no Edificio Multiusos, “30 e tantos ósos” de Aporía Escénica.

O venres 15 de marzo, o IES A Pinguela acollerá os obradoiros “Autodefensa Feminina” e “Novas masculinidades”, dirixidos a alumnas e alumnos de 1º de BAC, despois de que xa desenvolveran no IES Río Cabe e no IES Daviña Rey.

E desde o 5 de marzo ata o 25 de xuño celebrarase no Rincón Finca El Carmen, unha actividade de educación emocional con cabalos. Esta actividade está dirixida a un grupo pechado de usuarias do CIM.