Un home resultou ferido de gravidade durante a mañá deste martes no Concello da Pobra do Brollón, ao pasarlle por riba o seu propio tractor mentres realizaba tarefas agrícolas. O accidente ocorreu sobre as 12,30 horas na parroquia de Castrosante. O ferido foi trasladado no helicóptero medicalizado para recibir asistencia sanitaria.
Desde o 112 Galicia solicitouse asistencia médica urxente para o ferido, avisando aos profesionais sanitarios, que enviaron á zona o helicóptero medicalizado con base en Santiago, aos Bombeiros de Monforte de Lemos e á Garda Civil. O ferido estaba liberado e accesible, polo que descartaron empregar o material de excarceración. Tamén foi solicitada a colaboración dos membros do Grupo de Emerxencias Supramunicipal ( GES) de Folgoso do Courel e de Protección Civil da localidade.
