HomePolíticaO pleno de Monforte non aproba a petición de Esperta monforte para...

O pleno de Monforte non aproba a petición de Esperta monforte para unha nova aula de 2º de primaria

O Concello de Monforte de Lemos non reclamará á Consellería de Educación unha nova unidade de 2.º de Educación Primaria. O Pleno celebrado este luns rexeitou a moción presentada por Espertamonforte co voto en contra do Partido Popular e a abstención do PSOE.

Publicado o

POR
Redacción
- Advertisement -

A iniciativa pedía revisar a planificación deste curso e crear un novo grupo para dar resposta á saturación das aulas. Os cinco colexios da cidade escolarizan este curso 153 alumnos e alumnas de 2.º de Primaria, repartidos en sete aulas. Se se aplicase a ratio de 20 alumnos por aula que establece o Acordo de melloras do sistema educativo galego, asinado pola Xunta e os sindicatos en 2023, esas sete aulas terían capacidade para 140. Monforte ten, polo tanto, trece alumnos máis dos que permitiría ese obxectivo, que a Xunta prevé estender a Primaria nos próximos cursos. “Estas cifras corresponden só ao número real de alumnado: se se aplicase o cómputo dobre ou triplo que a normativa establece para o alumnado con discapacidade ou dependencia, o exceso sería aínda maior”, destaca Esperta Monforte.

A formación política advirte de que seguen chegando solicitudes de matrícula co curso xa iniciado. A nova unidade que pedía a moción non ía destinada a un centro concreto, senón a abrir en Monforte prazas suficientes para acoller ese alumnado sen aumentar máis os grupos existentes; e lembra que “os centros educativos non apoian nin rexeitan mocións políticas. As ratios non son unha cuestión de apoios, son datos”.

O grupo anunciou que seguirá defendendo unha solución por todas as vías institucionais e que volverá levar ao Pleno a constitución dun Consello Escolar Municipal, un órgano de participación que, segundo sinala, permitiría anticipar situacións coma esta antes do inicio de curso.

“En 2.º de Primaria os nenos e nenas aprenden a ler, a escribir e a calcular. Advertimos en xuño que as aulas estaban cheas, e hoxe todas as aulas de 2.º de Monforte teñen 20 alumnos ou máis. O PP responde que aínda caben cinco máis en cada clase, e o PSOE, que prefire esperar. Nós cremos que os nenos e nenas de Monforte non poden esperar”, sinalou o concelleiro de Espertamonforte, Jaime Germán Vázquez Pérez.

ÚLTIMAS

Rueda enche no mitin de Monforte e visita a feira de Chantada

Rueda lembrou en Monforte que Lugo foi na anterior convocatoria das Eleccións Xerais, en...

O programa “Lugo de corazón a corazón” leva aos concellos da provincia a formación en prevención cardiovascular

O programa, que conta co apoio da Deputación de Lugo, busca facilitar o acceso...

Tres feridos nun accidente entre dous coches en Sarria

Segundo informou o 112 Galicia, un particular deu aviso deste accidente arredor das 20.00...

Este 22 de novembro ás 18:00 na casa da cultura de Monforte, maxia para público familiar na programación do 25-N

Esta actividade enmárcase na campaña “Monforte en negro contra as violencias”, organizada polo Concello...