O Centro Comercial Ponte Vella, de referencia na Ribeira Sacra, presenta un amplo e variado programa de actividades para este mes de outubro no seu 25 aniversario. Hainas para todos os gustos e especialmente pensadas para os máis pequenos da casa.
A maxia terá unha cita fixa todos os sábados de outubro ás 19.00 horas no segundo andar. Dani Polo, Mago Albert, O Mago Paco, José Rivera e Pablo Estévez protagonizarán os cinco espectáculos programados.
Os máis pequenos poderán desfrutar de dous contacontos infantís teatralizados, ambos ás 18.00 horas no segundo andar: o sábado 17, Bea Iglesias presentará Eu quero voar; e o venres 23, Inma Soto contará Xela, aventura na fraga. As sesións están dirixidas a nenos e nenas a partir de 3 anos. O sábado 24, de 17.00 a 20.00 horas, Ponte Vella acollerá unha festa infantil con bailes, mascotas, pasacalles, globoflexia, fotomatón, karaoke e unha yincana de xogos populares.
A programación de fin de mes incluirá tamén o Samaín, o sábado 31, cun photocall de levitación e pintacaras de 16.30 a 20.30 horas.
OUTRAS ACTIVIDADES
Música e poesía: este venres 2 de outubro ás 12.00 horas, no segundo andar e co Círculo Poético Ourensán. Enmárcase este evento no XVI Encontro Internacional de Poesía «Víctor Campio».
Exhibicións de baile: o venres 9, nas terrazas de restauración e a cargo da escola Estilo Libre. Os grupos infantís actuarán ás 18.00 horas e os de adultos, ás 19.15 horas.
Concentración de coches deportivos de alta gama: o sábado 10, de 10.00 a 12.00 horas nas terrazas.
Clases de debuxo e pintura con Leandro Sánchez: do 16 de outubro ao 14 de novembro, os venres de 19.00 a 20.00 horas e os sábados de 11.00 a 12.00 horas. Non haberá clases o 23 nin o 24 de outubro. O material está incluído e é necesaria a inscrición a través de páxina web: www.pontevella.com.
Mantéñense tamén este mes os talleres infantís: os xoves, venres e sábados de 17.30 a 20.30 horas. E contarán coa visita de Ponti os sábados de 18.00 a 20.00 horas. A zona gaming, situada na planta baixa, abrirá os venres e sábados de 18.00 a 21.00 horas.
