A andaina comezará ás 10:00 horas no Mosteiro de Ferreira de Pantón, nunha xornada para camiñar e descubrir. As persoas que cheguen polos seus medios daranse cita a partir das 9:30. Para facilitar a participación, un autobús sairá de Lalín ás 08:30 horas con parada en Chantada ás 9:00
Habilítanse 34 prazas para esta actividade que conta con visita ao Mosteiro cisterciense do Divino Salvador e a degustación duns petiscos. Ata o 12 de outubro, ás 24:00 horas, está aberto o prazo para inscribirse a través deste formulario. O envío da solicitude non confirma a praza. A organización confirmará por correo electrónico o 15 de outubro.
A seguinte saída está prevista para o 7 de novembro, cunha andaina entre Bandeira e Ponte Ulla e unha visita ao Pazo de Oca.
