A Deputación acaba de anunciar que colaborará na conservación do patrimonio histórico de Sarria cunha axuda de 40.000 euros. Deste xeito financiarase a galería do emblemático edificio da sociedade La Unión sito na rúa Matías López 26. Dende o goberno provincial destacan o compromiso do seu equipo na preservación do patrimonio arquitectónico da provincia, pois é un legado recibido que deber ser conservado por todos.

O edificio da sociedade La Unión foi construído a finais do século XIX e ata a data non se fixeron traballos de rehabilitación na súa estructura o que implica que se atope nun estado moi deteriorado. Tal é a relevancia da sociedade no Concello, que no 2019 fai 100 anos da súa implantación e a día de hoxe aínda conta con 500 socios.