Hai escasos minutos produciuse unha colisión por alcance na Ronda Emilia Casas Baamonde de Monforte no que se viron implicados 3 vehículos.

O accidente produciuse na incorporación da saída do Hospital Comarcal a dita vía. O sinistro non provocou danos persoais, pero si materiais.

Esta intersección é bastante problemática pola moita circulación e polas continuas infraccións que cometen os vehículos, segundo afirma un veciño da zona. “Cando veñen da rúa Corredoira e teñen que incorporarse á ronda para xirar á esquerda empregan como carril de incorporación un que non o é, hai coches que quedan no medio para xirar invadindo o carril de paso… e moitas máis que vexo día a día” comentaba o veciño.

Para esta interesección e para a que hai a poucos metros anunciou non hai moito o concello unhas obras de mellora consistentes en dúas rotondas.

Ata o lugar do suceso desprazouse unha patrulla da Policía Local para dar conta do sucedido.