A Operadora anuncia que pon en marcha un operativo especial con motivo da Semana Santa. Os servizos que se reforzan son todos os trens Alvia con orixe ou destino Madrid e as cidades galegas da Coruña, Ferrol, Lugo, Monforte de Lemos, Ourense, Pontevedra, Santiago de Compostela e Vigo, así como as paradas intermedias, onde chegan estes trens.
Os trens de Media Distancia que se reforzan durante o Curso Académico suspenden soamente durante a Semana Santa os seus reforzos habituais en fin de semana. Os días 12 e 21 de abril, con todo, mantense o incremento de prazas para facilitar a mobilidade dos estudantes antes do parón vacacional e antes da finalización do mesmo, para volver incorporarse ás clases.
A nivel nacional, Renfe ofrecerá un total 3 millóns de prazas de reforzo nos seus servizos. Os viaxeiros poden obter máis información, reservar ou adquirir os seus billetes a través da páxina web de Renfe (www.renfe.com), no teléfono de Atención Integral ao Cliente (91 232 03 20), na Appde Renfe “ RenfeTicket”, en Axencias de Viaxes ou nas propias estacións nos despachos de billetes.
