Rematado o proceso selectivo que tiña aberto o Concello de Monforte para a incorporación de 3 novos axentes ó corpo de Policía Local da cidade, as persoas que superaron dito proceso foron recibidas no concello polo alcalde de Monforte, José Tomé Roca e o concelleiro de Servizos, José Luis Losada.
Os axentes incorpóranse este luns, día 22 de abril, á Academia Galega de Seguridade Pública de A Estrada, onde iniciarán a súa formación previa ao inicio (sempre que superen dita formación) das súas funcións como axentes de policía locais en Monforte. Alternarán a súa formación na Academia con períodos de prácticas no propio Concello de Monforte.
O seu período formativo rematará a finais deste ano, e se o superan satisfactoriamente, serán nomeados funcionarios do Concello a principios do vindeiro ano 2020.
