O colectivo animalista ‘Libera!’ criticou o “cinismo” do “lobby procaza” logo de que “ningún grupo de cazadores nin federación se presentara como acusación” no caso de Alma, a cadela maltratada e tiroteada en Chantada.

Os animalistas lamentan que “aínda que organizacións como a Federación Galega de Caza e a Federación Española de Caza afirmaron que presentarían unha querela”, non teñen constancia de que finalmente algún deses colectivos comparecese. Tachan de “cínicos” estes grupos por “empregar os medios de comunicación para lavar a súa deostada imaxe pública” e logo non actuar en consecuencia.

ANTECEDENTES

O Xulgado de Instrución nº1 de Chantada encárgase do procedemento contra o individuo que arrastrou e tiroteou unha cadela, que faleceu días despois do suceso e deixou orfos a seis cadeliños de poucos días de vida.