IniciosociedadeComo podo preparar as probas para os Celga e cando me teño...

Como podo preparar as probas para os Celga e cando me teño que inscribir?

O prazo para presentar as solicitudes de inscrición irá do vindeiro luns 21 de marzo ata o venres 8 de abril e a oferta dos cursos de autoaprendizaxe ofrecidos pola Consellería de Cultura, Educación e Universidade verase aumentada.

Publicado o

- Advertisement -

A Xunta vén de publicar este venres 18 de marzo no DOG a convocatoria para inscribirse nas probas que permiten obter os certificados oficiais que acreditan os niveis de coñecemento da lingua galega, os Celga. A realización das probas dos Celga 1, Celga 2, Celga 3 e Celga 4 está prevista, como é costume, para os meses de maio e xuño en Santiago de Compostela e Ponferrada. As datas concretas das probas así como os lugares exactos para facelas publicaranse máis adiante no Diario Oficial de Galicia (DOG) e no Portal da Lingua Galega.

O prazo para presentar as solicitudes de inscrición e, consecuentemente, o do pagamento da taxa correspondente (16,92 €) irá do vindeiro luns 21 de marzo ata o venres 8 de abril. Tanto as solicitudes como o xustificante de pagamento poderán presentarse a través da  sede electrónica da Xunta de Galicia ou de modo presencial.

Esta convocatoria de probas Celga é a primeira que a Xunta efectúa en 2022 e, se as circunstancias o permiten, a previsión é que, como o ano pasado, volva publicarse unha segunda convocatoria para realizar máis exames antes de que remate o ano.

CURSOS DE AUTOFORMACIÓN

De cara á preparación destas probas, o secretario xeral de Política Lingüística, Valentín García, anunciou o xoves 17 de marzo a ampliación da oferta dos cursos de autoformación ofrecidos pola Consellería de Cultura, Educación e Universidade. Desde hai un ano, ofrécese un curso de autoaprendizaxe en liña do Celga 1, no que ata o de agora se inscribiron máis de 3000 persoas, e a partir de agora ampliarase a oferta formativa con cursos de autoaprendizaxe en liña do Celga 2 e do Celga 4. O Celga 3 queda pendente de desenvolvemento para o vindeiro ano.

Esta modalidade de formación ten dous puntos fortes: o primeiro, que non ten límite de prazas e, o segundo, que permite o acceso desde calquera lugar do mundo “pois cada vez son máis os descendentes de galegos e galegas da diáspora que se interesan por coñecer e estudar a lingua”, dixo o secretario de Política Lingüística, Valentín García.

Para inscribirse nestes cursos, que estarán dispoñibles a partir do día 21 deste mes, as persoas interesadas deberán acceder á Plataforma de teleformación da Secretaría Xeral de Política Lingüística a través do Portal da Lingua Galega.

ÚLTIMAS

Roteiro Literario para coñecer as localizacións da novela “A Boca do Monte”, en Quiroga

Preto dun cento de estudantes do IES As Lagoas de Ourense coñeceron o pasado...

O BNG pon en marcha, “Arranxo XA das nosas estradas”, campaña para mellorar as infraestruturas viarias na provincia

O Bloque Nacionalista Galego de Lugo inicia unha nova campaña para reclamar o arranxo...

8ª Andaina polo Corazón de Galicia, o 21 de abril en Chantada

O domingo, 21 de abril, celébrase a 8ª Andaina polo Corazón de Galicia, que...

Que acontece coas Unidades de Drogodependencias dos concellos?

Na última xuntanza dos concellos que contan con Unidades Municipais de Asistencia á Drogodependencia...