O curso desenvólvese ata o vindeiro domingo 19 de maio no Telecentro de Chantada. Inclúe 40 horas lectivas, nas que os participantes reciben formación teórica e práctica sobre prevención e loita contra os incendios nos ámbitos urbano e forestal e primeiros auxilios.

As accións formativas están organizadas pola Academia Galega de Seguridade Pública (AGASP), organismo dependente da Vicepresidencia e Consellería de Presidencia, Administracións Públicas e Xustiza. A información pode consultarse na web da AGASP.

A Xunta tamén organizou cursos en Mondoñedo, Ribeira de Piquín e O Saviñao neste primeiro semestre do ano, ofrecendo en total 140 prazas na provincia de Lugo. Proximamente publicarase a programación para o segundo semestre.