O 10 de agosto Taboada celebra a súa Festa da Mocidade, coincidindo co comezo das Festas Patronais. A actividade organizada por Marrao Enxebre contará este ano coas actuacións de Reincidentes, The Skarnivals e Raiba.
A Festa da Mocidade dará comezo ás 18.30 coa tradicional Ruta polos bares acompañados dunha charanga, os participantes da festa fan camiño, deste modo, ata o escenario principal, onde ás 22.00 comezará a cea popular e ás 23.30 os concertos. A entrada é de balde, pero se queres cear e beber cervexa e calimocho sen ter que pagar ao tempo que colaboras coa organización de cara a seguir mantendo a celebración ano tras ano, podes mercar a camiseta da festa por un prezo do 15€ nos bares da localidade.
VII edición do FICH
Os días 10, 11 e 12 de agosto celébrase unha nova edición do FICH, Festival Independente de Chantada. Participarán case unha vintena de grupos que actuarán en diferentes puntos da vila e na explanada de Adegas Amedo, para o traslado á adega contarase con servizo de autobús. Haberá ademais zona de acampada libre na área de Sangoñedo. O prezo da entrada diaria é de 6€, 10€ para o venres e o sábado; e o domingo a entrada será de balde.
Algunas das formacións que soarán en Chantada esta fin de semana son: Balck Ice Twice, Boneco, El Lado Oscuro de la Broca, Espejos y Diamantes, Fixemberg Dj, Galope Mestizo, JmChan, Kadettsgsi, Ki, Lkb, Medio Grumo, Onnlbn, Peinetta, Sután, Tecnochico, Terror Erótico Adolescente, The Fakes, Tourmalet, Trompas de Farlopio, Yurakwualla, Grima,….
