A 25 semana de Cine de Chantada ábrese este luns día 13 con dúas actividades centradas na proxección de curtas galegas, ás 19.00 a cita será no Palleiriso na aldea de Garabelos e ás 22.00 no Muíño da Alameda.

O día 14 no auditorio de Chantada proxectarase a partir das 19.00 h. “A princesa do Caurel” e “Peter Rabbit” e no Palleiriso ás 22.00 haberá concerto de Blues do País.

A xornada festiva do día 15 contarase cun obradoiro sobre Fotografía azul na Casa da Cultura ás 17.00. Na Praza do Cantón a partir das 22.00 proxectarase “Nai e mestra” e “O gran Showman”. O día 16 a partir das 22.00 na Praza do Cantón farase proxección sobre a xornada “Cine para coidar a terra” que tivo lugar no palleiriso. O punto e final porase o día 17 ás 22.00 na Praza do Cantón, primeiro co espazo de Conversas sobre o Folión de Carros para rematar coa proxección de “A forma da auga”.

A Semana Internacional de Cine de Chantada, organizada polo Cinecluble Os Papeiros e o Concello de Chantada, saca así o cine á rúa un ano máis.