O Son Labreg@ do 2018 terá como escenario o Cinema Palleiriso no lugar de Garabelos. A cita abrirase ás 11.30 coa palestra “Construíndo Soberanía”, onde un grupo de mozos falará dos proxectos que están a desenvolver en diversos sectores. Ás 13.30 haberá sesión vermú, seguida de xantar. Contarase con postos de comida e con espazos hablitados para quen queira levar a comida da casa. Ás 16.30 celebrarase unha nova palestra titulada “AGRI-CULTURA”, na que se presentarán proxectos para recuperar a manter a cultura popular galega e por en valor a actividade agraria. Ás 19.00 comezarán obradoiros de cestaría, regueifas e postureo na horta. Ás 21.00 celebrarase unha cata de viños da Ribeira Sacra de Chantada. Os concertos comezarán ás 23.00 contando coas actuacións de Liviao de Marrao (Chantada), Cuarta Xusta (Melide), Punkdereteiras (Chantada) e DJ Peter (Carral).
A organización do Son Labreg@ convida a todos os labregos e labregas a participar da actividade que pretende dar visibilidade dun xeito lúdico e positivo aos problemas cotiás dos labregos galegos, promovendo unha xornada de convivencia entre xente coas mesmas problemáticas e inquedanzas. Fan a invitación extensible ás persoas con inquedanzas sobre o modelo de produción de alimentos, a calidade do que se come ou a xestión que as administración fan dos recursos naturais. O Festival é de balde, contará con zona de acampada e con ludoteca de modo permanente.
