A Asociación de Empresarios de Chantada e CCA Ribeira Sacra, botaron a andar unha gran campaña de oportunidades na vila de Chantada que chama especialmente a atención polos importantes descontos que ofrecen os comercios e establecementos asociados.

Nesta páxina web pode accederse aos diferentes establecementos e coñecer os descontos que se ofrecen.

Falamos coa directiva desta entidade que dinamiza o comercio local con recurrentes campañas e iniciativas para fomentar o consumo de proximidade ao longo do ano.

Semana moi esperada para o comercio chantadino. Contádenos.

Chega a II edición da Semana de Oportunidades. Por segundo ano consecutivo realizamos esta campaña porque non se pode realizar a Feira de Oportunidades xunto coa Feira do Viño. 

Como foi experiencia da edición anterior?

O ano pasado foi unha campaña que contou cun resultado positivo para os participantes que puideron realizar un bo fin de rebaixas de inverno.

Vemos que hai descontos, nalgúns casos, de ata o 70%. Para non perder, non?

Contamos con participantes de distintos sectores (roupa, calzado, herboristería, pintura, decoración, florería…) Con grandes descontos, si.

Aprézase que chega xente de fóra de Chantada de compras esta semana?

Chantada conta sempre con visitantes de vilas limítrofes e agardamos que esta semana esas persoas se acerquen á vila para desfrutar desta campaña.

Como animariades a vir á xente da Comarca e de Comarcas veciñas para aproveitar estas rebaixas?

Contamos cunha ampla variedade de oferta comercial na vila e nesta semana eses produtos contan con descontos moi atractivos polo que agardamos que sexan moitas as persoas que se acerquen á vila para mercar.