InicioMedio ambiente e PatrimonioChantada, unha Vila en Flor

Chantada, unha Vila en Flor

“Vilas en Flor” é unha iniciativa impulsada pola Fundación Juana de Vega, a Asociación Galega de Empresas de Xardinaría e a Asociación de Viveiristas de Galicia, co obxecto de impulsar a mellora ambiental, social e económica dos municipios galegos.

Publicado o

- Advertisement -

O xurado do certame “Vilas en Flor”, para poboacións galegas de menos de 50.000 habitantes, concedeu a Chantada e Allariz as máximas puntuacións. Ámbolos dous municipios recibiron catro “Flores de Honra”, cando a puntuación máxima son 5. As bases do certame establecen que a entrega de galardóns terá lugar no concello gañador, ao haber empate elíxese Chantada para o acto de entrega, pola súa  posición más central dentro de Galicia.

O xurado do certame estivo composto por Isabel Aguirre, directora da Escola Galega da Paisaxe da Fundación Juana de Vega; Serafín Ros Orta, enxeñeiro técnico agrícola e exdirector de Medio Ambiente do grupo Eulen, e Alfonso Ruano Prieto, enxeñeiro técnico agrícola e ex xefe de área da Axencia Galega de Desenvolvemento Rural.

Organización e xurado do certame en Allariz / Fundación Juana de Vega

“Vilas en flor”, desenvólvese en Galicia por primeira vez, seguindo o modelo doutras comunicadades como Cataluña, Aragón, Canarias ou Valencia, e o modelo implantado noutros países como Reino Unido, Irlanda, Francia, Italia e Canadá.

O programa “Vilas en flor” pretende a mellora estética e funcional do territorio a través do recoñecemento público de actuacións medioambientais, como obras de axardinamento, ornamentación floral, mobiliario urbano e espazos lúdicos. Coa entrega das “Flores de Honra” recoñécese a traxectoria e as acción desenvoltas polos concellos para mellorar e resaltar os espazos verdes urbanos, a súa xestión sostible, a educación ambiental e a concienciación cidadá no coidado do entorno.

Deste modo, os municipios son recoñecidos pola axeitada implantación e xestión dos espazos verdes, contribuindo ao desenvolvemento económico local, xerando actividade no sector da xardinaría e aumentando o número de visitas turísticas. Existen rutas específicas para os municipios que participan nestes programas, impulsando unha marca de calidade local.

ÚLTIMAS

A Subida a Taboada inaugurará o Campionato Galego de Montaña os días 27 e 28 de abril

O vicepresidente da Deputación e deputado de Deportes, Efrén Castro, reuníuse este martes co...

Campaña de xuntanzas veciñais do PP de Monforte “para buscar solucións ás reclamacións de barrios e parroquias”

A Agrupación Municipal do Partido Popular de Monforte de Lemos comeza unha campaña de...

Charla do Plan Maior Seguridade o día 18 de abril en Chantada

A actividade forma parte do Plan Maior Seguridade, que promove o Ministerio do Interior...

Roteiro Literario para coñecer as localizacións da novela “A Boca do Monte”, en Quiroga

Preto dun cento de estudantes do IES As Lagoas de Ourense coñeceron o pasado...