O concurso de tapas de Chantada –Chantapas– desenvólvese en dúas quendas. Unha primeira que comezou o pasado venres 2 de decembro e que remata este domingo 4, e unha segunda, que terá lugar do 9 ao 11 de decembro, na vindeira fin de semana.
Nesta ocasión, a participación baixou respecto doutros anos e serán sete os establecementos que participen: A Viñoteca, Café Cantón, Carballeira, AdaRosa Tapería, Garden Bar, La Cervecería e Bar Mánix.
Segundo nos informan da Asociación de Empresarios de Chantada e CCA Ribeira Sacra, os gañadores, tres dos anteriores locais, serán seleccionados por un xurado profesional segundo determinados aspectos.
CRITERIOS DE VALORACIÓN
-Elaboración e dificultade á hora de elaborar a tapa (0 a 10 puntos)
-Sabor (0 a 10 puntos)
-Presentación (0 a 10 puntos)
-Relación calidade-prezo (0 a 10 puntos)
-Calidade prestada no servizo-atención (0 a 10 puntos)
-Maridaxe – tapa (0 a 10 puntos)
LOCAIS E TAPAS QUE PRESENTAN
A Viñoteca preséntase coa elaboración: “Tosta de queixo Arzúa-Ulloa con carrilleiras estofadas piparras encurtidas e redución de mencía”.
O Café Cantón coa tapa “Chupito á galega”
Carballeira con “Pastel de Pataca”.
AdaRosa Tapería con “Risoto de outono”.
Garden Bar convida a probar “O guiso da avoa”.
La Cervecería participa coa tapa “Cocido á italiana”.
E Bar Mánix con “Marea laranxa”.
