Un home que manexaba un tractor en Chantada sufriu este xoves feridas graves nas pernas cunha fresa. Nun primeiro momento, o 112 Galicia recibiu a información de que o home quedara atrapado polas pernas, aínda que, posteriormente, os servizos de emerxencia confirmaron que o home estaba accesible. Para desprazarse ata o lugar dos feitos, na Veiga, Urxencias Sanitarias de Galicia-061 mobilizou un helicóptero medicalizado co fin de atender ao ferido.
Foi ao fío das 18,00 horas cando o 112 Galicia tivo coñecemento da situación do home, a través dos servizos sanitarios. A situación púxose en coñecemento da Policía Local, da Garda Civil, dos Bombeiros de Chantada e da Agrupación de Voluntarios de Protección Civil de Chantada.