O Festival de Narración Oral Atlántica chega este ano a Chantada

A XI edición do Festival Atlática, a cita internacional de narración oral, celebrarase entre o 1 e o 9 de xullo. As funcións desenvolveranse en lugares ao aire libre e de especial interese patrimonial de 24 localidades de toda Galicia.

Anxo Moure, no papel de 'Pipo Papeiro'. Foto: A. Moure

O Festival converteuse en 10 anos de vida en todo un referente da narración oral, internacionalizando esta tradición. Na presentación destacaouse a capacidade de Atlántica por “descentralizar a actividade cultural galega achegando propostas ao rural con iniciativas para todos os públicos” e amosou a satisfacción da Xunta por “colaborar e facer posible un mar de contos por toda Galicia”.

Este ano o Festival contará con 42 espectáculos que chegarán a 24 sedes repartidas polas catro provincias galegas e representaranse máis de 80 funcións. Na zona sur da provincia de Lugo achegarase ao concello de Chantada.

O 1 de xullo entre as 16.00 e as 21.00 haberá contos na casa da árbore con Anxo Moure. A actividade para público infantil e familia é de balde e celebrarase en Garabelos, na parroquia chantadina de Mariz.

DEIXAR UN COMENTARIO

Please enter your comment!
Please enter your name here