InicioComarca de ChantadaChantadaCondenan a un veciño de Chantada por estafar a unha muller vulnerable

Condenan a un veciño de Chantada por estafar a unha muller vulnerable

Por quitarlle 2.000 euros.

Publicado o

- Advertisement -

A Audiencia Provincial de Lugo condenou a un ano e seis meses de cárcere a un veciño de Chantada por un delito de estafa a unha muller vulnerable á que lle subtraeu 2.000 euros. No auto, o tribunal considera probado que o acusado estableceu amizade coa vítima a través dunha asociación cultural de Chantada, onde ambos vivían. No desenvolvemento desa amizade, o acusado acompañouna nalgunha ocasión ao médico ou ao supermercado, accedendo ao seu domicilio en polo menos unha ocasión, no que a vítima vivía soa.

“Aproveitando esa relación de confianza e con coñecemento da situación de vulnerabilidade que concorría en Elsa”, que foi diagnosticada en 2019 de deterioración cognitiva en grao leve e moderado, con necesidade de axuda e supervisión dun familiar.

Así, o 7 de agosto de 2019 pediulle que lle deixase 2.000 euros, “pois non cobrara aínda a pensión”. Para iso, levou á vítima a unha sucursal que non era a súa habitual. Alí a vítima facilitoulle ao acusado o diñeiro, que gardou dicíndolle que llo devolvería, “sen que ata a data fixese devolución do importe”.

“O acusado era perfectamente coñecedor da deterioración cognitiva que presentaba a vítima, pois tivo ocasión de observalo durante varios meses. Con esta conduta, o acusado tentaba gañarse a confianza da muller, chegando a entender esta que existía unha relación próxima ao noivado (…). Resulta revelador que existan máis de 20 anos de diferenza entre eles”, estiman no auto.

Por todo iso, condenan ao acusado a un ano e seis meses de cárcere por un delito de estafa, ademais do pago das costas procesuais. En canto á responsabilidade civil, solicitan unha indemnización á vítima de 2.000 euros, cantidade que se incrementará cos intereses legais.

ÚLTIMAS

Jonas Vingegaard, gañador da segunda etapa de ‘O Gran Camiño’

Corredores de once dos mellores equipos internacionais, con figuras como Jonas Vingegaard, Egán Bernal,...

Avánzase na supresión dos pasos a nivel de Río Seco e Juan Montes en Monforte

Dende a Dirección General de Planificación y Evaluación de la Red Ferroviaria convocouse ós...

A Agrupación Empresarial da Ribeira Sacra vai collendo corpo, non hai marcha atrás

A Agrupación de Empresas da Ribeira Sacra vén de celebrar a primera reunión do...

“Foto Nuevo. Unha ollada cara ao pasado”, inaugúrase este venres ás 19:00h na casa da cultura de Monforte

Este venres, 23 de febreiro, ás 7 da tarde, José Tomé Roca, inaugura na...