InicioEconomíaA actividade de Casa Macán segue suspendida á espera dunha nova inspección

A actividade de Casa Macán segue suspendida á espera dunha nova inspección

As autoridades sanitarias revisarán "canto antes" se a empresa láctea levou a cabo as melloras e correccións indicadas e comprometidas.

Publicado o

- Advertisement -

A actividade na empresa Casa Macán, situada no concello de Taboada, continúa suspendida por orde das autoridades sanitarias, á espera de que as instalacións da fábrica de produtos lácteos sexan sometidas a unha nova inspección por parte dos técnicos da Dirección Xeral de Saúde Pública.

Fontes da propia Xunta de Galicia precisaron que, despois da inspección á que foron sometidas de novo as instalacións da fábrica o pasado venres, o propietario comprometeuse a “mellorar os espazos de produción” e a “corrixir as deficiencias detectadas” durante a fin de semana, co obxectivo de reiniciar canto antes a actividade.

Por tanto, a actividade da fábrica segue suspendida á espera de que se produza outra visita dos inspectores sanitarios para comprobar se eses traballos levaron a cabo de forma correcta, como paso previo á autorización para renovar a actividade.

Esa nova inspección realizarase, precisan as mesmas fontes, canto antes, para evitar que se prolongue no tempo a suspensión de actividade se realmente a fábrica de Taboada cumpre “os requisitos para retomar a produción con garantías”.

En todo caso, o propietario de Casa Macán, Eladio Rigueira, recoñeceu que a empresa quedou seriamente danada por esta situación e a súa imaxe de marca “moi deteriorada”. “Non creo que sexamos capaces de coller outra vez impulso”, lamentou o empresario.

ÚLTIMAS

Sober pon en marcha o proxecto ‘O SAF actívate’

O Concello de Sober pon en marcha o proxecto ‘O SAF actívate’ co que...

Bóveda sementa a igualdade nos equipos locais de fútbol

O Goberno local de Bóveda prosegue coa campaña ‘Sementando igualdade’, que esta vez chegará...

Reestablécese o subministro de auga nas parroquias de Monforte

A avaría, que tivo lugar o pasado día 26 de febreiro, provocou unha falta...

O PP de Monforte acusa a Tomé “de tapar os problemas de abastecemento con bombas de fume como a supresión dos pasos a nivel”

A voceira do PP de Monforte, Katy Varela, tras ver como que as parroquias...