InicioCulturaO xornal británico The Guardian presume da Ribeira Sacra

O xornal británico The Guardian presume da Ribeira Sacra

Recomenda o interior de Galicia como destino vacacional eloxiando a riqueza patrimonial dos seus mosteiros, a beleza dos seus ríos Miño e Sil, os viñedos e o bo comer.

Publicado o

- Advertisement -

O principal xornal británico, The Guardian, fíxose recentemente eco da riqueza paisaxística e cultural da Ribeira Sacra. Baixo o título de “guía de vacacións no interior de Galicia, España: viñedos, hoteis e restaurantes”, o medio de comunicación inglés fai un breve resumo das marabillas que se poden ver e probar no sur lucense.

Se ben é certo que definen á zona como “unha das rexións máis misteriosas e menos coñecidas de España” tamén engaden que é o “fogar de espectaculares gargantas e ríos, antigos mosteiros e algúns dos mellores viños do país”.

“Os seus ríos, Miño e Sil, que se atopan no corazón da rexión, moldean a paisaxe, escavando bastos canóns e vertixinosos vales. Os espesos bosques verdes enmarcan estes ríos e esconden mosteiros medievais, cuxa presencia outorga ó lugar unha especie de espiritualidade calada”. “O viño e a súa exportación máis famosa. As ladeiras do val están cheas de cepas sitas en terrazas centenarias. Visitar a Ribeira Sacra é visitar unha España diferente, unha zona máis tranquila e verde, un mundo illado das abarrotadas praias do Mediterráneo”.

O artigo continúa cun breve resumo dos mosteiros, os canons do Sil e os viñedos. A súa retaíla continúa amosando a comida típica da zona onde resaltan a o polbo á feira e carne de tenreira que se fai en Monforte e o caldo de ósos de Taboada.

Un moi breve resumo dos privilexios que gozan diariamente os veciños de Terras de Lemos onde se exalta a ampla variedade turística, o contraste de paisaxes e a riqueza patrimonial e cultural existente.

 

ÚLTIMAS

Monforte estrea novo furgón de atestados para a Policía Local

O Alcalde de Monforte, José Tomé Roca, presentou o novo furgón de atestados para...

Redes Lilas visibiliza en Sober ás mulleres asasinadas en España no último ano

Esta semana tivo lugar a terceira actividade da programación feminista de 'Redes Lilas', proxecto...

Concerto do violonchelista Carlos Vidal, o 14 de abril en Sober

O músico, Carlos Vidal, ofrece o domingo, día 14, un concerto de violenchelo en...

María Vázquez será ‘pregoeira na súa terra’, na XXI Festa da Carne ao Caldeiro

O domingo 14 de abril terá lugar unha nova edición da Festa da Carne...