InicioCulturaTaboada presenta a XXXII Festa do Caldo de Ósos, máis ca unha...

Taboada presenta a XXXII Festa do Caldo de Ósos, máis ca unha festa gastronómica

Este luns pola mañá, a casa da cultura de Taboada acolleu a presentación da Festa do Caldo de Ósos cunha revisión do formato coa que se busca unha viaxe profunda pola paisaxe cultural do municipio de Taboada e da contorna.

Publicado o

POR
Redacción
- Advertisement -

A Festa do Caldo de Ósos  é un símbolo territorial, identitario, unha mostra tanto da cultura como da natureza que define as raíces de Taboada. “Ademais dunha celebración gastronómica é o elemento unificador que xera nexos entre gastronomía, o territorio e a cultura. É tamén o compromiso coas tradicións locais, unha pegada da identidade de Taboada, que se reflicte a través do cultivo agrícola e da cría do porco, do produto que se emprega, da receita do caldo, e ata das formas de servilo ou consumilo”, destacan desde o concello, que conta coa colaboración da Xunta de Galicia e da Viceprensidencia da Deputación de Lugo. 

A programación desta edición coloca o acento nunha compoñente máis cultural e patrimonial. Serán dous días de actividades, para todos os públicos, que buscan incentivar que a xente pase a fin de semana e ata todo o Entroido, en Taboada, que participe das actividades e ata poida aproveitar para descubrir o Concello e contorna.

Manuel Gago

Manolo Gago, importante xornalista e divulgador cultural, vencellado co sector gastronómico e amante do Caldo de Ósos, é o elixido como padriño e pregoeiro desta XXXII edición. Ponse así de manifesto a importancia de contar, visibilizar, difundir e valorizar o caldo de ósos e toda a tradición que leva vencellada. O programa desenvolverase conforme ao seguinte horario:

Sábado, 10 de febreiro

  • 18:30h. Acto inaugural. Proxección documental O caldo de ósos nas súas mans. David Pinancho Audiovisuais e Noa López Producións (Cuartel Vello).
  • 19.30h. Inauguración da Exposición fotográfica “Crónica da Pegada do Porco Celta en Galicia” (Casa da Cultura).
  • 20.00h. Ruta osovinícola (Bares de Taboada).
Template

Domingo, 11 de febreiro

  • 10.30h. Apertura do recinto da festa (Praza de Riazón). Feira porcina e exhibición e mostra de animais vivos: porco celta. Mercado de produto local e de proximidade. Folión e cabezudos con Os Rechouchíos (Rúas da vila e Praza de Riazón).
  • 11.00h. Sabes atar chourizos? Clase mestra sobre elaboración tradicional de embutidos, Eva María Trincado (Praza de Riazón).
  • 12:00h. Cata maridaxe, O Caldo de Ósos con Denominación de Orixe Ribeira Sacra (Casa da Cultura).
  • 12:30h. Concerto A Banda de Música de Chantada (Praza de Riazón).
  • 13.35h. Pregón do Caldo de Ósos 2024 na voz de Manolo Gago. Acto amenizado cos brindos de Josinho da Teixeira e Lupe Gómez (Praza de Riazón).
  • 14:00h. Degustación gratuíta de caldo de ósos ofrecida pola hostelaría local (Praza de Riazón).
  • 15.00h. Xantar co menú da festa (Restaurantes de Taboada).
  • 17.30h. Actuación de música tradicional Os Rechouchíos (Praza de Riazón).
  • 18.30h. Obradoiro de máscaras e cabezudos. Constrúe a túa cachucha con Viravolta Títeres. Para público familiar (Praza de Riazón).
  • 18:30h. Cata maridaxe, O porco celta con Denominación de Orixe Ribeira Sacra.
  • Conversa sobre O porco celta en Galicia, un produto con historia. Iván M. Rodríguez de ASOPORCEL e María Isabel Costas Vázquez, de Tres Fuciños (Casa da Cultura).
  • 19.30h. Exhibición de regueifa. Josinho da Teixeira e Lupe Blanco brindan o caldo de ósos (Praza de Riazón).
  • 21.00h. Degustación gratuíta de produtos do porco (Praza de Riazón).
  • 21:30h. Concertos fin de festa (Na Praza de Riazón). Tanto nos Ten e De Ninghures.
Template

ÚLTIMAS

Jonas Vingegaard, gañador da segunda etapa de ‘O Gran Camiño’

Corredores de once dos mellores equipos internacionais, con figuras como Jonas Vingegaard, Egán Bernal,...

Velada literaria con Pedro Feijoo este 24 de febreiro no restaurante Trespés de Monforte

O escritor charlará sobre a súa última novela "Ninguén contará a verdade" que recibiu...

Avánzase na supresión dos pasos a nivel de Río Seco e Juan Montes en Monforte

Dende a Dirección General de Planificación y Evaluación de la Red Ferroviaria convocouse ós...

A Agrupación Empresarial da Ribeira Sacra vai collendo corpo, non hai marcha atrás

A Agrupación de Empresas da Ribeira Sacra vén de celebrar a primera reunión do...