InicioMovementos sociaisO CPI Poeta Uxío Novoneyra ‘está en pé de guerra’

O CPI Poeta Uxío Novoneyra ‘está en pé de guerra’

O alumnado non foi este venres a clase e a súa resistencia a aceptar o novo servizo de transporte manterase firme. Contan co apoio de PSdG e BNG, partidos que levarán o tema ao Parlamento Galego, e da Confederación de Anpas Galegas.

Publicado o

POR
Redacción
- Advertisement -

O CPI Poeta Uxío Novoneyra “está en pé de guerra”, así con estas palabras se expresa a Anpa no seu comunicado de prensa. Os nenos e nenas do Courel non empezaron o colexio este venres 8 como estaba previsto e non o farán mentres a Administración non solucione o problema do transporte escolar. O día 18 está prevista a nova contratación do servizo para 2021-2025 e “non están dispostos a perder máis”, afirman.

A Anpa do Courel conseguiu o apoio do PsdG e BNG, que se comprometeron a elevar sendas cuestións sobre esta problemática ao parlamento autonómico, e tamén da Confederación de Anpas Galegas que entenden esta xusta demanda, pois a situación require segundo eles “un trato diferenciado para unha realidade diferente”.

Aulas baleiras no colexio. Foto: Anpa Courel

Dende a Confederación ANPAS GALEGAS comunican que “o que se perde nesta situación non é só calidade no transporte escolar e postos de traballo, o que perdemos todos é un pouco máis da montaña e do rural. É un problema de todo o país, e polo tanto é un problema noso”.

Esta tarde reunirase de novo a directiva da asociación de nais e pais co obxectivo de planificar novas accións de protesta.

ANTECEDENTES

A ANPA do centro estase a mobilizar como medida de rexeitamento ao novo deseño elaborado polo Goberno galego, que “reducirá o número de rutas” e “obrigará a facer desprazamentos aínda máis longos para ir e volver do colexio”.

Ata o momento, o servizo realizábano taxistas da localidade e organizado en seis rutas. O concurso de renovación da contratación, segundo denuncia a comunidade escolar, impide a estes condutores optar ao mesmo, malia levar 30 anos asumindo o transporte.

Taxistas na porta do CPI Poeta Uxío Novoneyra

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...