Os aloxamentos da Ribeira Sacra agardan unha ocupación dun 83% para a Ponte de Todos os Santos, segundo explican desde o Consorcio de Turismo da Ribeira Sacra. Por categorías o Turismo Rural ten a maior previsión de ocupación co 97%.
No resto de categorías as previsións son as seguintes:
- Hoteis 4 e 3*: 87 %
- Vivendas Turísticas e de Uso Turístico: 66 %
- Outros alox. (albergues, pensións, campings, aptos, hoteis 2 e 1*): 81 %
As cifras de previsión son moi semellantes ás das últimas pontes (2021 e 2022). Sen embargo, e debido ao exponencial crecemento do número de aloxamentos, resulta un aumento dunha ocupación de 2.000 prazas diarias máis comparado cos anos referidos.
No que se refire ao mes de outubro, o xeodestino remata con case o 50% de ocupación e un 60% nas fins de semana:
- Hoteis 4 e 3*: 57 %
- Turismo Rural: 53 %
- Vivendas Turísticas e de Uso Turístico: 18 %
- Outros alox. (albergues, pensións, campings, aptos, hoteis 2 e 1*): 52 %
Cos datos recollidos ata o de agora, “observamos que a por porcentaxe de ocupación é lixeiramente inferior ao mesmo período do 2023. Moitos atribúenllo á meteoroloxía que non foi moi favorable en moitos días do mes e que tamén repercutiron nalgunhas cancelacións”, apuntan desde o Consorcio de Turismo.
Sinalan tamén que, aínda así, o número de prazas ocupadas foi maior, 53% sobre 8.744 prazas en 2023 e 50% sobre 9.730 prazas en 2024 (>200 prazas). Para o mes de novembro, os aloxamentos xa contan cun terzo das prazas ocupadas. A porcentaxe máis alta de reservas rexístraa o turismo rural, cun 77% de ocupación para as fins de semana. Os hoteis de maior categoría (4 e 3 estrelas) son a única categoría que, polo de agora, augura unha ocupación igualmente repartida en días laborais coma nas fins de semana
