As condicións climatolóxicas favorables parecen ser as responsables do aumento das previsións de ocupación que os xestores tiñan a comezo da semana pasada (+ 5%). A destacar tamén a celebración nestas datas dunha importante cita do panorama musical galego, como é o Castañazo Rock, en Chantada; “que propiciou que a vila e arredores acadasen o 100% de ocupación, con reservas efectuadas incluso meses antes da celebración do evento”, explican desde o Consorcio.
Destacan tamén que en comparación co 2019 o número de prazas aumentou considerablemente, cun balance final no que no 2019 se ocupaban por esta Ponte unhas 4800 prazas diarias, mentres que no 2024 chegouse ás 8555.
Esta Ponte de todos o Santos continúa a ser a ponte de todo o ano en tempada baixa con maior ocupación. A Ponte do 1 de maio tivo un 82,20% de ocupación e na Ponte das Letras Galegas foi do 63,50%. Por categorías, a ocupación provisional desta ponte foi:
- Hoteis 4 e 3*: 92 %
- Turismo Rural: 100 %
- Vivendas Turísticas e de Uso Turístico: 84 %
- Outros alox. (albergues, pensións, campings, aptos, hoteis 2 e 1*): 92%
