O Concello de Folgoso do Courel programa diferentes actividades de verán para a semana do 17 ao 23 de agosto. Varias destas accións están enmarcadas no Pacto de Estado contra a Violencia de Xénero e outras, en concreto a gala de circo e o espectáculo de Seoane, forman parte da programación de CulturaActiva.
Os destinatarios desta programación serán todos aqueles nenos e nenas, que interesados/as en participar, formalicen a súa inscrición chamando ao 982 43 30 01 antes do día 15 para as actividades que se realizarán o día 18, e antes do día 21 para a actividade que se realizará o sábado 22. O resto de actividades están abertas a todo o público.
Concienciar e sensibilizar
Desde o Goberno local precisan que a violencia de xénero supón un problema social de primeira orde, polo que é fundamental concienciar e sensibilizar respecto a violencia de xénero en todas as súas expresións.
Así, a través da realización destas actividades socio educativas de prevención da violencia de xénero o Concello de Folgoso do Courel quere participar de maneira directa na loita contra esta lacra.
Calendario
Martes 18 de agosto – Impartidas pola educadora social Selene Arias Sáez. No Salón de actos do Concello de Folgoso do Courel. Poboación infantil e adolescente.
11:00 – 13:00 Teatro con sombras: Tolerancia a contraluz
18:00 – 20:00 Busca do tesouro. O misterio da igualdade perdida
Mércores 19 de agosto – Combinado de circo galego
Actuarán Desastronauts (espectáculo de clow e acrobacias aéreas), o Mago Teto (espectáculo de maxia) e Javi Javichy (espectáculo de malabares). Toda a poboación. 19:00 horas na Praza do Concello.
Venres 21 de agosto – Espectáculo de Brasica Rapa con pasarrúas. Toda a poboación. 19:00 horas En Seoane do Courel
Sábado 22 de agosto – Caxoto contacontos. No Salón de actos do Concello de Folgoso do Courel. Poboación infantil e adolescente. 19:00 horas. ‘Coas mans na masa – Contos de igualdade
22:00 horas. Cine na rúa. Proxección da película ‘O que arde’. Na Praza do Concello. Toda a poboación.
