InicioComarca de QuirogaFolgoso do CourelActividades de interese en Folgoso do Courel

Actividades de interese en Folgoso do Courel

En vindeiras datas haberá unha serie de actividades formativas de gran utilidade para a veciñanza e tamén a Feira de Gando de Seoane.

Publicado o

POR
Redacción
- Advertisement -

O vindeiro xoves, 20 de abril ás 11:00 h. da mañá o Centro Social de Seoane acollerá unha formación sobre o uso de caixeiros. Daranse pautas para que as usuarias e usuarios poidan realizar as operacións bancarias de fora doada e segura.

O sábado 22 a formación será de ‘autoprotección no fogar’, nocións básicas para evitar riscos derivados do gas butano, as chemineas, etc. Nesta ocasión será o Salón de Actos do Concello de Folgoso do Courel o que acolla a actividade que será impartida por Mario Antuña Sariego, responsable do GES de Cervo. Para inscribirse cómpre chamar antes ao 982 433001.

PARA O MES DE MAIO

Xa en maio, outra interesante actividade formativa chega ao concello de Folgoso do Courel. Trátase dun curso de micoloxía que impartirá Iván Pérez Berjano.

Os contidos a tratar os días 5, 6 e 7 de maio son os seguintes: introducción á micoloxía, ecoloxía dos montes e fungos, cultivo de fungos saprófitos e micorrícios e a micoloxía como dinamizadora do territorio.

O venres 5 será en horario de 16:00 a 20:00 h. mentres que o sábado 6 e o domingo 7 a formación desenvolverase de 10 a 14:00 h. pola mañá e de 16:00 a 20:00 h.

Hai 20 prazas e será necesario inscrición previa con preferencia neste caso para a xente empadroada. O lugar de realización da actividade é a Estación Científica do Courel –Seoane–  teléfono para reservar praza: 982 433001 e o prazo remata o 28 de abril.

Foto cartel / Concello de Folgoso do Courel

Tamén o 7 de maio, e en Seoane do Courel, terá lugar un ano máis a tradicional ‘Feira de gando’.  Haberá poxa de novelas de ACRUGA, postos de artesanía, plantas e sementes, música en directo e postos de polbo. A organización anima, como noutros anos, a que a veciñanza e os/as visitantes vaian vestidos/as de época.

ÚLTIMAS

Sober pon en marcha o proxecto ‘O SAF actívate’

O Concello de Sober pon en marcha o proxecto ‘O SAF actívate’ co que...

Bóveda sementa a igualdade nos equipos locais de fútbol

O Goberno local de Bóveda prosegue coa campaña ‘Sementando igualdade’, que esta vez chegará...

Reestablécese o subministro de auga nas parroquias de Monforte

A avaría, que tivo lugar o pasado día 26 de febreiro, provocou unha falta...

O PP de Monforte acusa a Tomé “de tapar os problemas de abastecemento con bombas de fume como a supresión dos pasos a nivel”

A voceira do PP de Monforte, Katy Varela, tras ver como que as parroquias...