HomeComarca de QuirogaFolgoso do CourelFeira e poxa de Gando en Seoane do Courel

Feira e poxa de Gando en Seoane do Courel

Celebrouse este sábado 4 de maio e, aínda que pasada por auga, reuniu bastante xente. O prezo máis elevado da poxa de xovencas ascendeu a 2.400 euros.

Publicado o

POR
Redacción
- Advertisement -

O sábado 4 de maio celebrouse un novo encontro gandeiro como os de antes na localidade de Seoane do Courel, co protagonismo da poxa de xovencas de raza Rubia Galega que organiza o Concello de Folgoso do Courel en colaboración coa Asociación San Xoán de Seoane, e a ACRUGA (Asociación Nacional de Criadores de Ganado Vacuno Selecto de Raza Rubia Galega).

Entre outros, participaron neste encontro a deputada provincial do PP, Raquel Arias, e o deputado de Medio Ambiente, Carlos López. A Deputación de Lugo levou tres exemplares procedentes do centro de recría da Granxa Gaioso Castro a estacita gandeira, que concentrou a un bo número de gandeiros e gandeiras da provincia, do resto de Galicia e doutras comunidades, como Asturias ou Castela.

Rubia Galega. Foto: Concello de Folgoso do Courel, Turismo.

O prezo medio dos animais foi de 2.300 euros e o máis elevado ascendeu a 2.400.

O evento contou coa colaboración tamén da Caixa Rural e Xunta de Galicia.

AMBIENTE DE FEIRA

No recinto feiral, na ubicación habitual e a cuberto, desenvolveuse a poxa e na contorna houbo postos de polbo e churrasco, así como tamén de artesanía, plantas e sementes e produtos locais.

Posto de sementes e plantas. Foto: Concello de Folgoso do Courel, Turismo.

Houbo tamén música a cargo do grupo tradicional O Recanto, de Quiroga, e outros músicos que participaron espontaneamente.

O Recanto. Foto: Turismo do Concello de Folgoso do Courel.
Música na Feira de Seoane 2024. Foto: Concello Folgoso do Courel, Turismo.

ÚLTIMAS

Graduación de 2º de Bacharelato do IES A Pinguela

O IES A Pinguela celebrou un animado acto de graduación no que 53 alumnos...

Ferran Centelles: “Delicadeza é o que falta historicamente en España e a Ribeira Sacra ten o potencial de ofrecer eses viños”

Esta cata forma parte dos esforzos da Denominación de Orixe Ribeira Sacra para destacar...

O IES A Pinguela, único instituto de Galicia con FP de calzado e complementos de moda

Do encontro participou o profesorado do IES A Pinguela con empresarios monfortinos do sector...

O 30 de xuño o colexio de Sober celebra o 50 aniversario cun xantar de confraternidade

Ao longo deste medio século de vida teñen pasado polo centro máis de 1.270...