Dous feridos nun choque en Quiroga

Ambulancia do 061. 061-GALICIA - Arquivo

Dúas persoas resultaron feridas ao chocar dous vehículos no quilómetro 504 da N-120, ao seu paso pola parroquia Quintá de Lor, no municipio lucense de Quiroga.

Segundo informou o CIAE 112 Galicia, foi un particular quen informou pouco antes das 17,00 horas de que un vehículo chocara contra o quitamedos desta estrada e de que no accidente estaban implicados dous coches.

Ante iso, os xestores do CIAE-112 Galicia informaron os servizos sanitarios, á Garda Civil de Tráfico, aos Bombeiros de Monforte, ao GES de Folgoso e á Policía Local de Quiroga.

Finalmente, os axentes de tráfico confirmaron que se tratou dunha colisión frontal entre dous vehículos e os servizos sanitarios comunicaron o traslado de dúas persoas ao Hospital Comarcal de Monforte de Lemos.

DEIXAR UN COMENTARIO

Please enter your comment!
Please enter your name here