InicioComarca de QuirogaQuirogaXa está en marcha o 'Qui Medo 3'

Xa está en marcha o ‘Qui Medo 3’

Quiroga acollerá a súa 'Festa do terror' o sábado 29 de outubro.

Publicado o

POR
Redacción
- Advertisement -

A asociación Qui-Roma, encargada de organizar tamén o ‘Qui-Medo’, vén de anunciar que prepara a terceira edición desta terrorífica cita con moitas novidades e con máis casas do medo repartidas por toda a vila quiroguesa. O encontro, que aspira a converterse nunha das grandes citas da noite do Samaín en Galicia, conta tamén coa colaboración do Concello de Quiroga.

Segundo información dos organizadores, o pasado ano foron 550 as persoas inscritas e nesta nova edición que abriu o 11 de setembro levan xa máis de 150 inscritos, o que augura unha edición que será aínda máis concorrida.

No ‘Qui Medo 2’ os valentes e as valentes que se atreveron a participar percorreron unha ruta que os levaría polo casco urbano de Quiroga, o Paseo Fluvial, Pacios de Mondelo e a Praza Maior con parada en seis casas do terror: A palleira, O circo do terror, A vinganza da matanza, A prisión zombi, A mansión dos vampiros e A casa maliciosa.

Para a cita deste ano os organizadores aínda non deron a coñecer o nome das casas, pero a proximidade do evento está espertando xa moitas expectativas e nestas semanas que restan saberanse máis detalles do Qui Medo a través das súas redes sociais.

Para poder participar nesta nova edición pode realizarse a inscrición de xeito presencial na Casa da Cultura de Quiroga ou chamando ao teléfono 982 435 125.

Cartel anunciador

ÚLTIMAS

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...

6 empresas locais constrúen novas naves no Polígono dos Acivros, en Chantada

O alcalde de Chantada, Manuel Lorenzo Varela, vén de visitar o Polígono dos Acivros...