Pechado o prazo para as inscricións de cara a participar nesta Festa de Interese Turístico de Galicia cinco foron os olivicultores que puideron formalizar a súa presenza: Ouro de Quiroga, Jesús Bao Mondelo, Jesús Arias Rodríguez, Aceiroga e Pedro Soto Losada.
Estes produtores locais darán a coñecer e poñerán á venda o Aceite de Oliva Virxe Extra de Quiroga, que xunto coa recreación da elaboración tradicional no muíño serán os puntos centrais desta xuntanza.
O programa da Mostra comezará ás once e media da mañá coa posta en marcha do muíño e a apertura dos postos de venda de aceite, artesanía e produtos típicos. Para facilitar que as numerosas persoas que cada ano se achegan ata esta zona poidan ver o proceso de elaboración tradicional do aceite, dado o número reducido de aforo do propio muíño, na capela das Farrapas proxectábase un vídeo no que se pode ver como é este proceso.
Nesta xornada non faltará a música e o baile tradicional que virán da man dos grupos locais, o Recanto, San Martiño e Arume da Queiruga.
