A Aula Cemit da Casa da Cultura de Quiroga acollerá dous novos cursos de formación sobre o uso das novas tecnoloxías, dentro do programa RUS-TICs, de promoción da participación social da Fundación Impulsarse (Agrupación Redevital).

Haberá dúas liñas de formación, unha de iniciación ás redes sociais Facebook, Instagram e Twiter e o outro sobre como realizar videochamadas para uso persoal e profesional a través de Whatsapp, Duo, Skype, Teams e Zoom.

O curso de iniciación ás redes sociais desenvolverase do 20 ao 24 de maio entre as 9:00 e as 12:00 h.; mentres que o de realización de vídeochamadas realizarase os mesmos días pero en horario de 12:00 a 14:00 horas.

Son programas dirixidos á mocidade, a familias en dificultade para a súa inserción, e persoas con discapacidade, persoas maiores e poboación en xeral que se atopen en situación de vulnerabilidade, pero sobre todo dirixidos especialmente ás persoas do rural en xeral.

As persoas interesadas en participar nun ou nos dous cursos deberán de anotarse a través do teléfono da Casa da Cultura, o  982 43.51.25 ou a través do 698.127.315