A través das voces destes autores repasarase a vida, a obra e a vinculación con Quiroga dos escritores Ánxel Fole, Ernesto Guerra da Cal, as irmáns Pura e Dora Vázquez, Manuel María, Eduardo Moreiras, Luís Losada e Uxío Novoneira. Este itinerario literario rematará  cunha degustación de viños na adega Val de Quiroga.

Os interesados en participar nestas actividades totalmente gratuítas, das que se da puntualmente información no instagran de turismo, turismo.quiroga, terán que anotarse na Casa de Cultura, ben persoalmente ou a través do correo cultura.quiroga.quiroga@eidolocal.es antes das 13:00h do día anterior á realización da actividade.

O programa “Descubrir Quiroga”, organizado dende a Concellería de Turismo, en colaboración coa de Cultura e co apoio financeiro da Deputación de Lugo, conta con máis dunha ducia de actividades durante o verán. O pistoletazo de saída foi o “Roteiro das fervenzas de Quiroga”.