O concello de Ribas de Sil estreará, previsiblemente, unha casa niño neste 2020. Canda a Baleira e Navia de Suarna, súmase así á lista de municipios que ofrecen este servizo de atención personalizada a nenas e nenos de entre 0 e 3 anos.

Con estas novas incorporacións, xa son 95 as prazas ofertadas en toda a provincia. A Xunta, que financia o proxecto, agarda que sirva para fixar poboación no medio rural. Podes ler a información completa no Lugo Xornal.