InicioSucesosAparece o corpo do home desaparecido en Ribas de Sil

Aparece o corpo do home desaparecido en Ribas de Sil

O corpo foi atopado por un técnico de Protección Civil no río cara a zona de Vilachá

Publicado o

- Advertisement -

O corpo de Manuel Vázquez Rodríguez, o veciño de 82 anos de Ribas de Sil que levaba desaparecido dende o pasado día 9, foi atopado ó redor das 19:30 horas desta tarde na marxe dereita do río, cara a zona de Vilachá.
O home, que padecía alzéimer, saíra pasear e fora visto a última vez pola zona de Rairos, suceso do cal informamos no XdL.
Segundo puido saber este xornal, o corpo apareceu flotando na marxe do río e foi un técnico de Protección Civil de Ribas de Sil quen atopou o corpo. Roberto Castro, primeiro tenente de alcalde da localidade, manifestou que “por fin pódese poñer fin a esta búsqueda e así darlle á familia a paz que merecen”.

Por outra banda, Roberto Castro tamén comentou que “no dispositivo de búsqueda tentamos racionalizar os medios. Cando acudían helicópteros ou lanchas da Garda Civil nós non actuabamos para así poder traballar todos sen entorpecernos ademais de adecuar os medios dispoñibles ás circunstancias que así o requiren. Era cuestión de tempo co corpo saíse a flote. O problema é que son moitas as variables a ter en conta; a temperatura da auga, a medicación que estaba a tomar, se quedou ou non enganchado nas ramas e un sinfín máis de variables que afectan en situacións coma esta”.

Arestora, o corpo está a ser remolcado nunca barca ata a beira onde o forense certificará a súa morte e posteriormente será conducido, presumiblemente ó HULA, para serlle practicada a autopsia e así poder aclarar as circunstancias da súa morte.

No día de hoxe tamén tgar un accidente de tráfico na parroquia de Sindrán sobre as 19:20 horas. Un home chamou ao 112 para alertar de que un coche batera contra un animal, pero que este escapara correndo. O accidente saldouse con danos materiais.

ÚLTIMAS

“Fiando na igualdade técese unha sociedade”, lema do 8M en Monforte

Este 4 de marzo presentouse na Casa do Concello de Monforte o programa de...

Premio ‘Eduemprende Idea 2023’ para o IES A Pinguela polo proxecto ‘StyleClo’

Un total de seis institutos e centros integrados de FP de Galicia veñen de...

A curta documental “Corre o vento”, rodada no Courel, presente no Festival de Málaga

Corre o vento, da que demos conta o pasado ano no transcurso da súa...

Máis de 2000 euros en premios nos concursos da XX Feira Medieval de Monforte

Tras convocar o pasado mes de xaneiro o Concurso de axudas para a confección...