Ciudadanos (C’s) logrou pechar unha nova candidatura para as eleccións municipais do 28 de maio (28M). En concreto, á listaxe de localidades nas que concurirrá suma o concello de Sarria, onde encabezará a súa lista o ex edil popular, José Manuel Belo Rodríguez.

A formación laranxa informou que Belo poderá encabezar a lista tras días de negociacións. Os requisitos que lle solicitaron desde C’s é que renuncie á súa acta de concelleiro e á militancia popular, a afiliación inmediata a C’s e a aceptación da carta ética do partido extensible a “todo o capital humano” sumado por Belo ao proxecto en Sarria.

Cumpridas estás premisas, ao límite do prazo, ás 23,00 horas do 24 de abril formalizouse a lista sarriá de C’s. A formación laranxa denuncia que o PP tentou “torpedear” a mesma ata o último momento “presionando ata a cinco membros da lista de C’s para que presentasen a súa renuncia” a concorrer na candidatura tras a súa confirmación verbal.

Dita presión, di Cs, exerceuse “a través de distintos métodos”. “As prácticas levadas a cabo socavan, na nosa opinión, os valores democráticos e limitan o desenvolvemento dun sistema que necesita imperiosamente erradicar os metodos da vella política para poder crecer“, advirte a formación.