HomeComarca de SarriaLáncaraDimite a concelleira de Láncara investigada por usurpación de identidade

Dimite a concelleira de Láncara investigada por usurpación de identidade

A xa exedil Begoña López (PSOE) teríase feito pasar pola directora dunha sucursal bancaria para conseguir 10.000€.

Publicado o

POR
Redacción
- Advertisement -

A concelleira do Concello de Láncara Begoña López presentou a súa renuncia para “demostrar a súa inocencia” no caso pola que permanece investigada acusada por unha suposta usurpación da identidade dunha entidade bancaria.

López, desvinculada do grupo municipal socialista desde finais de xaneiro pero que continuaba como edil non adscrita, rexistrou o seu escrito de renuncia na mañá deste sábado, xusto antes da celebración dun pleno extraordinario no que se acordou por unanimidade a creación dunha comisión de investigación sobre o asunto.

O Xulgado de primeira instancia número uno de Sarria investiga á xa exconcelleira por unha suposta usurpación de identidade da directora dunha sucursal bancaria e cuxo fin sería realizar unha transacción “falsa” para conseguir 10.000 euros. A denuncia parte desa entidade financeira e dun construtor que realizaría traballos na casa dos pais da concelleira Begoña López.

Tras saír á luz a investigación, o alcalde de Láncara, Darío Piñeiro (PSOE), defendeu que concello non ten nada que ver co caso. Con todo, o propio rexedor foi citado a declarar, xa que o cartón desde a que se realizaron as chamadas pertence ao goberno municipal. López foi apartada das súas responsabilidades no goberno e do grupo socialista a finais de xaneiro, pero decidiu manter a súa acta como concelleira ata este sábado.

ÚLTIMAS

O Courel protesta pola ausencia de médicos

As protestas repetiranse o vindeiro mércores e ata que se solucione a situación, segundo...

Escultura en madeira con motoserra no IES A Pinguela

Eugenio Linares, asturiano e veciño de Tuiriz, no Concello de Pantón, realizou hai uns...

Diversidade e conciliación camiñando polos miradoiros de Sober

Redes Lilas agrupou a unhas 40 mulleres nunha andaina a través dos miradoiros do...

Esperta Monforte leva a pleno ampliar e mellorar a Biblioteca adquirindo o edificio da galería Sargadelos

Esperta Monforte considera que as instalacións da casa da cultura, e en particular da...