O venres 6 de xullo de 11:00 a 13:00 horas, celebrarase no Incio o obradoiro de debuxo e humor gráfico a cargo de Xosé Manuel Fernández de Hermanager Producións.
Este taller, que se celebrará na sala de lectura do concello, está dirixido a menores da zona con idades comprendidas entre os 5 e os 12 anos. Todos os nenos que estén interesados nesta xornada, deberán acudir ó punto e á hora indicados e levar un caderno de debuxo normal, un lapis, goma de borrar e un rotulador negro eding 1200 ou semellante. Unha boa oportunidade para aprender dun xeito dinámico e divertido, a facer debuxos sobre temática de interese ó mesmo tempo que coñecen novos conceptos para o seu día a día.
Esta actividade está enmarcada dentro das múltiples programadas polo goberno municipal para facer máis levadeiro o verán para os cativos ó mesmo tempo que se lle axuda ás familias a conciliar vida laboral e familiar.
